प्रधानमन्त्री टेरेजा मेको ब्रेक्जिट सम्झौताको प्रस्ताव संसदमा दोस्रो पटक पनि अस्वीकृत भएपछि ब्रेक्जिटको भविष्य अन्योलमा परेको छ।
हाउस अफ कमन्समा मंगलबारको मतदानमा सम्झौताको विपक्षमा ३ सय ९१ र पक्षमा २ सय ४२ सांसदले मत दिएका थिए।
विपक्षी पार्टीहरुसँगै सरकारको समर्थक डियुपी र सत्तारुढ दलकै कतिपय सांसद सम्झौताको विपक्षमा मतदान गरेका छन् ।
यसअघि सम्झौतामाथि केही साता पहिले भएको पहिलो मतदानमा २ सय ३० मतको अन्तरबाट सम्झौता अस्वीकृत भएको थियो ।
आयरल्याण्डको बोर्डरसम्बन्धी सहमतिले भविष्यमा पनि बेलायतलाई युरोपसँग निर्भर राख्ने भन्दै बेलायतमा यसको विरोध भएको हो ।
संसदबाट सम्झौता पास नभएपछि अब बुधबार नो डिलमाथि संसदमा मतदान हुनेछ। नो डिल पनि पास नभए बिहिबार मार्च २९ को ब्रेक्जिटको डेडलाइन् पर सार्ने विषयमा मतदान हुनेछ ।
