राष्ट्रपति विद्यादेवी भण्डारीले बाँके र बर्दियाको विकास निर्माणबारे चासो लिएकी छन्।
आठौं राष्ट्रिय खेलकुद प्रतियोगिताको उद्घाटन गर्न नेपालगञ्ज आएका राष्ट्रपति भण्डारीले आज ती जिल्लाका जनप्रतिनिधिसँग विकास निर्माणबारे छलफल गरेकी राष्ट्रपतिका प्रमुख सल्लाहकार भेषराज अधिकारीले जानकारी दिए।
राष्ट्रपति भण्डारीले जनप्रतिनिधिलाई जनताको काम सहज रूपमा गर्न आग्रह गरेकी थिइन्।
‘नयाँ अनुभव भएकाले काम गर्नमा केही अलमल हुन सक्छ तर जनतालाई सहजरूपमा सेवा दिने कुरामा दत्तचित्त भएर लाग्नुहोस्’, राष्ट्रपतिको भनाइ उद्धृत गर्दै अधिकारीले भने।
सो अवसरमा प्रदेश ५ का मुख्यमन्त्री शङ्कर पोखरेल, प्रदेश नं ५ का सङ्घीय सांसद, प्रदेशसभा सदस्य, बाँके र बर्दियाका जिल्ला समन्वय समितिका प्रमुख– उपप्रमुख तथा स्थानीय तहका जनप्रतिनिधिको सहभागिता थियो।
