म्यानचेस्टर युनाइटेड एफए कपको अन्तिम ८ मा प्रवेश गरेको छ। सोमबार राती भएको खेलमा चेल्सीलाई २-० ले निराश बनाउँदै युनाइटेड अन्तिम ८ मा पुगेको हो।
युनाइटेडले चेल्सीलाई घरेलु मैदानमा निराश बनाउने दुबै गोल खेलको पहिलो हाफमा गरेको थियो। युनाइडेटका लागि पहिलो गोल खेलको ३१ औं मिनेटमा एन्देर हरेराले गरेका थिए भने दोश्रो गोल खेलको ४५ औं मिनेटमा पउल पोग्बाले गरेका थिए।
दोश्रो हाफमा चेल्सीले खेलमा फर्किने प्रयास गरे पनि सकेन र युनाइटेडलाई नतिजा सुम्पिन बाध्य भयो।
