नेपाली कांग्रेसका वरिष्ट नेता शेरबहादुर देउवाले दलहरुको सहमतिमै लोकमानको नियुक्ति भएको बताएका छन्।
नेपाल प्रेस युनियन डडेल्धुराको आयोजनामा भएको पत्रकार सम्मेलनमा बोल्दै नेता देउवाले अख्तियार दुरुपयोग अनुसन्धान आयोगको प्रमुखमा लोकमानको नियुक्ति दलहरूको सहमतीमै भएकाले लोकमान नियुक्तीको जिम्मेवारीबाट दलहरु पछि हट्नु नहुने बताए ।
साथै देउवाले संबिधान सभाको निवार्चनमा थ्रेस होल्ड राख्नु नहुने बताए । पत्रकारहरुसँग कुरा गर्दै देउवाले संबिधान सभाको निर्वाचनमा एक प्रतिशतमा पनि थ्रेस होल्ड राख्नु नहुने बताएका हुन्। निर्वाचन बाहेक अरु विकल्प नभएको बताउँदै देउवाले संबिधान सभा निर्वाचनको मिति निर्वाचन हुनुभन्दा करिब ६० दिन पहिले मात्रै तोकिनु पर्ने उनले बताए।
सुदूरपश्चिममा चुनावी प्रचारका लागि गएका देउवाले अबको निर्वाचनबाट नेपाली काग्रेस देशमै सबैभन्दा ठुलो पार्टी बन्ने दाबी गरे।
