एमाओवादीका अध्यक्ष पुष्पकमल दाहालले आगामी निर्वाचनमा एमाओवादीले जित्ने भएपछि केहि राजनीतिक दलहरु निर्वाचन नहोस् भन्नेमा लागेको बताएका छन्।
पार्टी केन्द्रीय कार्यालय पेरिसडाँडामा आइतबार आयोजित पार्टी प्रवेश कार्यक्रमलाई सम्बोधन गर्दै उनले कम्युनिस्ट आन्दोलनको मूलप्रवाह आफ्नो पार्टी मात्रै भएको र नक्कली कम्युनिस्ट पार्टीभित्र रहेका इमान्दार क्रान्तिकारीहरु बिस्तारै एमाओवादीमा समाहित हुने दाबी गरे।
उहाँले रौतहटमा आफ्नो पार्टीलाई सिध्याउन एउटा तत्व खुलेर लागेको तर्क गर्दै एमाओवादी अध्यक्षले भन्नुभयो, …त्यही तत्वले केही वर्ष पहिले हाम्रो पार्टीका १९ जना नेता कार्यकर्ताको हत्या गर्यो, त्यस्तै खालको हत्याकाण्ड मच्च्ााउने प्रपञ्च भइरहेको छ, त्यसको कडा रुपमा प्रतिकार गर्नुस्।'
नेकपा (एमाले) भित्र रहेका इमान्दार कार्यकर्ताहरुको पार्टी प्रवेशले रौतहट काण्ड पुनः दोहोर्याउन खोज्नेहरुलाई गतिलो झापड दिएको चर्चा गर्दै उहाँले जनताविरुद्ध हुने सबै खालको षड्यन्त्रको प्रतिवाद गर्न पार्टी नेता तथा कार्यकर्ताहरुलाई निर्देशन दिनुभयो।
कार्यक्रममा नेकपा (एमाले) नारायणी अञ्चल कमिटी सदस्य नेता रामपुकार दास नेतृत्वमा ५४ जना नेता, कार्यकर्ता एकीकृत नेकपा माओवादीमा प्रवेश गरेका थिए।
