नेपाल चलचित्र निर्माता संघले विरगन्जमा ३ दिनेमा 'चलचित्र महोत्सव' गर्ने भएको छ।
संघले असोज १ गतेबाट ३ गतेसम्म विरगञ्जमा ‘चलचित्र महोत्सव’को आयोजना गर्न लागेको हो ।
असोज १ गतेलाई सिनेमा क्षेत्रले सिनेमा दिवसको रुपमा मनाउँदै आएको छ ।
निर्माता संघ र विकास बोर्डको आयोजना र नेपाल उद्योग वाणिज्य महासंघको सह-आयोजनामा ‘चलचित्र महोत्सव’ गर्न लागिएको निर्माता संघका अध्यक्ष आकाश अधिकारीले जानकारी दिएका छन् ।
तीन दिन चल्ने महोत्सवमा मैथली, भोजपुरी, नेपाली भाषाका सिनेमाको प्रदर्शन, स्थानीय सँस्कृति झल्कने झाँकी प्रदर्शनी, सिनेमा सम्बन्धी चर्चा र राष्ट्रिय कलाकारहरुको साँस्कृतिक प्रस्तुति गरिनेछ।
निर्माता संघका अध्यक्ष अधिकारी आइतबार मध्य तराईको वीरगञ्ज पुगेर होटल तथा पर्यटन व्यवसायी संघसँग महोत्सवको बारेमा छलफल गरेका थिए ।
नेपाली सिनेमाको लागि कम्जोर बजार मानिने वीरगञ्जमा हुने महोत्सवले नेपाली सिनेमाको प्रवर्धनमा टेवा पुर्याउने विश्वास निर्माता संघ र विकास बोर्डले लिएको छ ।
.jpg)
