अश्लील गीत गाएको भन्दै केही समय अगाडि पक्राउ परेका भिटेन अर्थात गायक समिर घिसिङको नयाँ र्याप गीत सार्वजनिक भएको छ।
मंसिर १३ गते रिलिज हुने 'सरौतो' सिनेमाका लागि उनले नयाँ र्याप गीत गाएका हुन्।
शुक्रबार रिलिज भएको गीतलाई रूथलेस म्यूजिकले तयार पारेको हो। आफ्ना गीतहरूमा अश्लील शब्द राखेकोमा पक्राउ परेका भिटेनको यस गीतमा सम्भावित विवादबाट बच्न 'विप' राखिएको छ। एक ठाउँमा बिप राखिएको छ।
गीतको भिडियोमा भिटेन सिनेमाकी मुख्य अभिनेत्री सुमी मोक्तानसँग फिचर्ड भएका छन्।
सिनेमाको यो गीतले 'सतौतो'को प्रचारलाई सहयोग पुर्याउने अपेक्षा गरिएको छ। सिनेमालाई सिनेम्याटोग्राफीबाट निर्देशनमा डेब्यू गर्न लागेका हरी हुमागाईंले निर्देशन गरेका हुन्। सिनेमा सुमीका अलावा सन्नी सिंह, विजय लामा,आमिर गौतम तथा युवराज लामाको मुख्य भूमिका रहेको छ।
