रसियामा क्रोएशिया तथा फ्रान्सबीचको फाइनल खेलमा क्रोएशियाले दोश्रो गोल फर्काएपछि खेलको नतिजा २-४ भएको छ। क्रोएशियाका लागि दोश्रो गोल म्यान्जुकिकले ६९ औं मिनेटमा गरेका हुन्।
उनले नै आजको खेलमा आत्मघाती गोल गर्दै फ्रान्सलाई अग्रता दिलाएका थिए। उनको यो गोलले खेलमा क्रोएशियाले पुनरागमन गर्ने सम्भावनालाई बढाएको छ।
उनले गोल गर्नअघि एमबाबेले खेलको ६५ औं मिनेटमा फ्रान्सको गोल संख्यालाई ४-१ बनाएका थिए।
पहिलो हाफ २-१ मा सकिएको फ्रान्स र क्रोएशियाबीचको विश्वकप फाइनलमा फ्रान्सले अग्रतालाई ३-१ बनाएको छ।
पोग्वाले खेलको ५९ औं मिनेटमा गोल गर्दै अग्रतालाई अझ फराकिलो पारिदिएका हुन्।
आजको खेलमा फ्रान्सले क्रोएशीयाबाट आत्मघाती गोल उपहार पाउँदै खेलमा अग्रता लिएको थियो।
खेलको पहिलो हाफमा फ्रिकिकबाट प्राप्त बललाई क्लियर गर्ने क्रममा म्यान्डुजुकिकले आफ्नै पोस्टमा बल छिराएपछि खेलमा फ्रान्सले अग्रता पाएको थियो।
सो आत्मघाती गोल खेलको १८ औं मिनेटमा हुन पुगेको थियो।
यसरी एक गोलले पछाडी परेको क्रोएशियाले खेलको १८ मिनेटमा बराबरी गोल फर्काउँदै आफूलाई खेलमा फर्काएको थियो। तर पेरिसिभिकले गरेको सो बराबरी खेलमा धेरैबेर रहन पाएन।
क्रोएशियाका खेलाडीले डिएरियामा बल ह्यान्ड गरेपछि फ्रान्सले प्राप्त पेनाल्टीलाई गोलमा परिणत गर्दै पहिलो हाफ सकिदा २-१ को अग्रता कायम गर्न सफल भयो।
फ्रान्सका लागि ३८ औं मिनेटमा सो गोल ग्रिजम्यानले गरेका थिए।
