नयाँ शक्ति पार्टी नेपाल र संघीय समाजवादी फोरम बीचको एकतापछि बनेको समाजवादी पार्टी नेपालका समर्थक, शुभेच्छुक बीचको विदेशस्थित भातृ संगठनको समायोजन प्रकृया प्रारम्भ भएको छ।
यसै सन्दर्भमा अन्तर्राष्ट्रिय नेपाली समाज अस्ट्रेलिया र संघीय समाज अस्ट्रेलियाबीच एकता भई नेपाली समाज अस्ट्रेलिया घोषणा गरिएको छ।
सिड्नीमा सम्पन्न एकता कार्यक्रमलाई नेपालबाट स्काइपमार्फत् बाबुराम भट्टराईले सम्बोधन गरेका थिए।
कार्यक्रममा अस्ट्रेलियास्थित जनसम्पर्क समितिका कार्यवाहक अध्यक्ष छिरिङ लामा जनप्रगतिशिल समाजका उपाध्यक्ष रामजी बस्नेत,सुदूरपश्चिम समाजका केशव जोशी, पोखरा समाजका राजकुमार अधिकारी, अबर्न नेप्लिज कमिटीका अध्यक्ष अशोक उप्रेती लगायतले शुभकामना प्रदान गरेका थिए।
एकता सम्मेलनबाट अध्यक्षमा गणेश तामाङ, उपाध्यक्षमा क्रमश: सुमन खरेल, उपेन्द्र श्रेष्ठ, वीर बहादुर राई, शोभा श्रेष्ठ, महासचिवमा सन्तोष आचार्य, सचिवमा उमेश शाह, कोषाध्यक्षमा कृष्ण कार्की, सहकोषाध्यक्षमा अनिल बस्नेत, प्रवक्तामा गौतम बाबु तिवारी, पब्लिक अफिसरमा अभिषेक कुमार झालाई मनोनयन गरिएको छ।
यस्तै, नयाँ कार्यसमितिको युवा संयोजकमा विशाल खड्का, महिला संयोजकमा सुजता पाण्डे गौतम, विद्यार्थी संयोजकमा भूमिका लामा, साहित्यिक संयोजकमा टंक रिमाल, न्यु साउथवेल्स संयोजकमा महेश भट्टराई, भिक्टोरिया संयोजकमा बुद्व मोक्तान क्विसन्सल्याण्ड संयोजकमा अमित शर्मा तास्मनिया संयोजकमा सुरज श्रेष्ठ,वेस्र्टन अस्ट्रेलिया संयोजकमा सिताराम पन्त चयन भएका छन्।
यसैगरी समितिका सल्लाहकारमा सुन्दोर्जे तामाङ, अरुण कुमार तामाङ,कमला पोखरेल,पुरन सायमी तथा संरक्षक समितिमा विनोद पौडेल, सुवान चौलागाई, समिम अनवर, चित्र तुम्बाहम्बे,घनेन्द्र पियाक र तिर्थ राज कार्कीलाई मनोनयन गरिएको छ।
नयाँ कार्यसमितिका पदाधिकारीहरूलाई बाबुराम भट्टराईले स्काइपमार्फत् पद तथा गोपनीयताको सपथ खुवाएका हुन्।
