बेलायतमा कार्यरत नेपाली सेफ हरुको संगठन नेप्लिज सेफ एसोसियशन यूकेको दोस्रो अधिवेशन मार्फत दधी आचार्यको नेतृत्वमा नयाँ कार्यसमिती चयन गरिएको छ । लन्डन स्थित भेन्यू फाईभ रेस्टुरेन्टमा सम्पन्न अधिवेशनले यसअघि उपाध्यक्षको रुपमा कार्यरत दधी आचार्य सहित २३ जनाको कार्यसमिती निर्विरोध चयन गरेको हो ।
नवनिर्वाचित कार्यसमितिको उपाध्यक्षमा राम प्रसाद न्यौपाने र मोहन लाल ओली, महासचिवमा भुपेन्द्र पाठक, सचिवमा विनोद बराल, कोषाध्यक्षमा राम चन्द्र सुवेदी, सहकोषाध्यक्षमा धर्मागत चापागाई छन । त्यस्तै कार्यसमिती सदस्यहरुमा राम प्रसाद सापकोटा, भोजराज भण्डारी, राजु बोहोरा, ठाकुर प्रसाद तिमिल्सेना, बिक्की सापकोटा, केबी गुरुङ, शिव कंडेल, टिकाराम निउरे, दुर्गा गुरुङ, मनिष खड्का, टिकाराम कंडेल, प्रकाश गुरुङ, देविलाल निउरे, लाल चन्द्र सापकोटा, राजु खत्री र पारस सापकोटा निर्वाचित भएका छन ।
कार्यक्रममा निर्वाचन समितीका संयोजक राम शरण शिम्खडाले सर्वसम्मत निर्वाचित पदाधिकारी तथा सदस्यहरुको नामावली घोषणा गर्दै सपथ ग्रहण गराएका थिए ।
कार्यक्रमका प्रमुख अतिथी बेलायतका लागी नेपाली राजदुतले शुभकामना मन्तब्य दिदै खानाको माध्यमबाट विदेशमा नेपालको चिनारी पस्किने बेलायतमा कार्यरत हरेक सेफ आफैमा राजदुतको भूमिकामा रहेको बताएका थिए ।
एन आर एन आई सी सी उपाध्यक्ष कुल आचार्य, सहकोषाध्यक्ष सोम सापकोटा एन आर एन यूके अध्यक्ष योग कुमार फगामी, पूर्व अध्यक्ष सूर्य गुरुङ, लगायतले शुभकामना मन्तब्य दिदै बेलायतमा नेपाली खानाको पहिचान दिने सेफहरू संगठित बनेकोमा खुशी व्यक्त गर्दै यसले नेपाल र नेपाली लाई विदेशी माझ चिनाउन टेवा पुग्ने बताएका थिए ।
निर्वतमान अध्यक्ष कृष्ण तिमल्सेनाले नवनिर्वाचित समितीलाई शुभकामना नेपाली सेफहरुको यो संस्था बृहत बन्दै गरेको वर्तमान परिप्रेक्षमा पेशागत हकहितको साथै सामाजिक सहकार्यको दिशामा आफुले संस्थाको नयाँ उचाई देख्न चाहेको बताए ।
अधिवेशनमा मिडल्याण्ड, आयरल्याण्ड लगायत लन्डन बाहिर कार्यरत नेपाली सेफहरुको उल्लेख्य उपस्थिती थियो । संगठनमा झन्डै ७ सय सेफहरू संगठित रहेपनि बेलायतमा झन्डै ४ हजार नेपाली सेफहरू बिभिन्न रेस्टुरेन्ट तथा होटलहरुमा कार्यरत रहेको बताईएको थियो ।
पेशागत हितको लागी बेलायतमा कार्यरत सेफहरुको संगठन नेप्लिज सेफ एसोशियसनको स्थापना सन् २०१२ मा कृष्ण तिमल्सेनाको अध्यक्षतामा गठन गरिएको थियो ।
