प्रभु बैंकले २ अर्बको डिबेन्चर जारी गर्ने भएको छ।
‘प्रभु बैंक डिबेन्चर २०८४’ नाम दिइएको उक्त डिबेन्चरको विक्री प्रवन्धकमा नविल इन्भेष्टमेन्ट बैंकिङ लिमिटेड छानिएको छ।
बैंकले एक हजार अंकित दरको ८ वर्ष भुक्तानी अवधिको डिबेन्चर जारी गर्न लागेका हो।
यसका लागि मंगलबार प्रभु बैंकका कार्यकारी अधिकृत अशोक शेरचन र नबिल ईन्भेष्टेमेन्ट बैंकिङका तर्फबाट प्रमुख कार्यकारी अधिकृत सबिर बादे श्रेष्ठले हस्ताक्षर गरे।
प्रभु बैंकले तीन तीन महिनामा १० प्रतिशतका दरले ब्याज भुक्तानी गर्ने गरी ऋणपत्र जारी गरेको हो।
जसमा १ अर्ब २० करोड रुपैयाँ बराबरको ऋणपत्र व्यक्तिगत तबरबाट र ८० करोड बराबरको ऋणपत्र सर्वसाधारणमा निष्काशन गरिने बैंकले जनाएको छ।
यसअघि प्रभु बैंकले १ हजार अंकित दरको १० वर्षको भुक्तानी अवधि भएको वार्षिक १०.२५ प्रतिशतका दरले अर्धवार्षिक रुपमा ब्याज भुक्तानी हुने गरी निष्काशन गरेको १ अर्ब रुपैयाँ बराबरको ऋणपत्र जारी गरेको थियो।
उक्त ऋणपत्र माग गरेको भन्दा बढी मात्रामा खरिदका लागि आवेदन परेपछि विक्री अवधि समाप्त हुनु अगाडि नै बन्द भएको थियो ।
