चीनको वुहान सहरबाट फैलिएको कोरना भाइरसका कारण हिमालय एयरलाइन्सले चीनका विभिन्न गन्तव्यका उडान तत्कालका लागि स्थगन गरेको छ।
एयरलाइन्सले अर्को सूचना प्रकाशित नभएसम्मका लागि भन्दै उडान स्थगन गरेको जानकारी दिएको छ।
हिमालयले चीनका ३ सहरका उडान यसअघि नै उडान स्थगन गरिसकेको छ भने राजधानी बेइजिङको उडान ६ फेब्रुवरीदेखि स्थगन हुने छ।
एयरलाइन्सकले चीनका बेइजिङ र छोङछिङमा नियमित उडान गर्दै आएको थियो भने सेन्जेन,छाङ्सा र सियानमा हप्तामा एकपटक चार्टड उडान गर्दै आएको थियो।
छोङछिङ उडान भने एयरलाइन्सले गएको सातादेखिमात्र उडान सुरु गरेको थियो।
एयरलाइन्सले यअघि नै टिकट बुकिङ गरेका यात्रुहरुलाई नि:शुल्क रद्ध गर्ने सुविधा दिएको प्रवक्ता उज्जला दलीले जानकारी दिइन्।
चीनमा कोरना भाइरस फैलिएपछि विभिन्न देशका एयरलाइन्सहरुले उडान स्थगन गरिरहेका छन्। चीन सरकारले पनि समूहमा विदेश जान आफ्ना नागरिकलाई रोक लगाएको छ।