श्री एयरलाइन्सले काठमाडौं-पोखरा रुटमा पनि नियमित उडान सुरु गर्ने भएको छ।
एयरलाइन्सले माघ २४ देखि यो रुटमा उडान सुरु गर्न लागेको हो।
बम्बार्डियरको क्यू ४०० जहाजबाट यो रुटमा उडान गर्न लागिएको हो। ८० सिट क्षमताको जहाजबाट श्रीले पोखरा उडान गर्ने भएको हो।
यसअघि यो रुटमा बुद्ध र यति एयरले ७२ सिट क्षमताको एटिआरबाट गर्दै आएका थिए।
सन् २०१७ देखि फिक्स्ड विङमा आएको श्रीसँग हाल ५० सिट क्षमताका सिआरजे २०० दुई, ७० सिट क्षमताका सिआरजे ७०० दुई र ८० सिट क्षमताका ड्यास-८-क्यू ४०० जहाज २ गरी कूल ६ जहाज छन्।
श्रीले क्यू ४०० जहाजबाट सिमरा,जकपुर तथा पोखरा जस्ता गन्तव्यमा उडान गर्न योजनासहित ल्याएको थियो। उसले जनकपुर उडान यसअघि नै सुरु गरिसकेको छ।