सामसङले चाडपर्वको उपलक्ष्यमा ‘बडा दशैंको बडा बचत’ योजना ल्याएको छ।
योजनाअन्तर्गत दशैंमा सामसङका कन्जुमर इलेक्ट्रोनिक्स उत्पादनमा आकर्षक छुट दिइने कम्पनीले जनाएको छ।
योजना अवधिभर सामसङका एलइडी, स्मार्ट एलइडी, युएचडी र क्युएलइडी टेलिभिजनमा ३५ प्रतिशतसम्म छुट दिने जनाइएको छ।
रेफ्रिजेरेटरमा १७ प्रतिशतसम्म, वाशिङ्ग मेसिनमा १४ प्रतिशतसम्म छुट दिइने छ।
साइड बाई साइड रेफ्रिजेरेटर तथा फ्लेक्सबास वासिङ्ग मेसिनको खरिद गर्नेलाई उपहार स्वरुप एक थान एयर प्युरिफायर दिइने छ।
साथै, टिभि, रेफ्रिजेरेटर, वासिङ्गमेसिन, माइक्रोवेभ ओभन, भ्याक्युम क्लिनर, एयर कन्डिसनर तथा एयर प्युरिफायर खरिदकर्ताका लागि लक्की ड्र गरिने बताइएको छ।
योजना यही असोज १५ देखि मंसिर १४ गतेसम्म लागू हुने छ ।लक्की ड्रको घोषणा योजना समाप्ती पछि सामसङको आधिकारिक फेसबुक लाइभ मार्फत गरिने छ ।
सामसङका आधिकारिक वितरक हिम इलेक्ट्रोनिक्स तथा त्रिवेणी व्यापारका मातहत नेपाल अधिराज्यभरका आधिकारिक विक्रेता मार्फत् योजना लागू हुने छ।
