नेपाल टेलिकमले सबै जिल्लामा फोरजी नेटवर्क विस्तार गरेको जानकारी दिएको छ।
सरकारी स्वामित्वको कम्पनीले देशका ७७ जिल्लामा फोरजी सेवा विस्तार गरेको हो। नेपालमा पहिलोपटक २०७३ साल पुषमा फोरजी सेवा काठमाडौं र पोखराबाट सुरु गरेको कम्पनीले केही समय अघिमात्र अन्य सहरमा सेवा विस्तार गरेको थियो।
अहिले भने देशका २५ सय बढी ठाउँमा फोरजी सेवा उपलब्ध भइरहेको नेपाल टेलिकमका प्रबन्ध निर्देशक डिल्लीराम अधिकारीले जानकारी दिए।
बैशाख जेठसम्म सबैतिर फोरजी कभरेज विस्तार गर्ने योजनामा रहेको कम्पनीले तत्काल उपलब्ध फोरजी परीक्षणकै क्रममा भएकाले पूर्ण क्षमतामा नचलेको हुनसक्ने बताएको छ।
परीक्षण सकिएपछि फोरजीले पूर्ण क्षमतामा काम गर्ने कम्पनीको विश्वास छ।
