सुदूरपश्चिम प्रदेशका मुख्य मन्त्री त्रिलोचन भट्टले कोठामै बसेर योजना बनाउने प्रवृत्तिले विकास झन् पछाडि धकेलिएको बताएका छन्। विकास समस्या समाधान समितिको बैठकमा बोल्दै उनले कोठे योजनाले देशमा ठूलो नोक्सानी भएको बताए।
आफ्नो प्रदेशमा बनिरहेको हुलाकी राजमार्गमा पुलहरु आकाशे बनेको र त्यो सच्याउन अर्को २ वर्ष लाग्ने अवस्था भएको बताए।
'हुलाकी राजमार्गमा पुल आकाशे छन्। जमिनसँग नजोडिने पुलहरु बनेका छन्। काठमाडौं बसेर बनाएका डिजाइनले काम हुँदैन भन्ने कुरा यहीबाट देखिन्छ' उनले भने।
