शुक्रबार यति एयरलाइन्सको जहाज धावनमार्गबाट चिप्लिएपछि नागरिक उड्डयन प्राधिकरणले त्यसबाट पाठ सिक्दै उडान सुरक्षा सतर्कता उच्च बनाउन एयरलाइन्सहरुलाइ निर्देशन दिएको छ।
सञ्चालनमा रहेका सबै एयरलाइन्सका सञ्चालकत तथा व्यवस्थापकलाई बोलाएर प्राधिकरणले मनसुनको अवस्थामा सबैभन्दा महत्वपूर्ण हुनेध हवाइ यातायातलाई सुरक्षित र भरपर्दो बनाउन उच्च सुरक्षा सतर्कता अपनाउन निर्दशन दिएको हो।
अविरल वर्षाका कारण उडानमा अवरोध आउनसक्ने भएकाले मौसमी प्रक्षेपनलाइ ध्यानमा राख्दै कहिकतै पनि गल्ती नगर्न प्राधिकरणले निर्देशन दिएको हो।
प्राधिकरणले फ्लाइट सेफ्टी विभागले राखेको उक्त व्रिफ कार्यक्रममा क्यानका महानिर्देशक राजन पोखरेलले एयरलाइन्सहरुलाई मनसुनमा सामान्य अवस्थाको भन्दा चनाखो भएर कदम चाल्न एयरलाइन्स सञ्चालकहरुलाइ निर्देशन दिएका थिए।
मनसुनको समय आफैमा प्रकोपको समय भएकाले कुनै पनि समय आउनसक्ने आपतकालिन अवस्थालाई सामना गर्न एयरलाइन्सहरु तयार हुनुपर्ने उननले बताएको सहभागी एक एयरलाइन्स सञ्चालकले जानकारी दिए।
विमानस्थलको एटिसी,पाइलट तथा एयरलाइन्सको अपरेशन विभाग बाहेक मनसुनको समयमा मौसम विभाग तथा अन्य सुरक्षा निकायबीच निरन्तर र प्रभावकारी सञ्चार कायम हुनुपर्ने उनले बताएका थिए।
