उद्योगी व्यवसायीहरुले इटा उद्योग हटाउने स्थानीय तहलाई कार्वाही गर्न माग गरेका छन्।
नेपाल उद्योग वाणिज्य महासंघका उपाध्यक्ष किशोरकुमार प्रधानले जथाभावी रुपमा इटा उद्योग हटाउने स्थानीय तहलाई कार्वाही गर्न माग गरेका हुन्।
वातावरणीय प्रदुषण भएको भन्दै विभिन्न नगरपालिकाहरुले अहिले स्थानीय इटा भट्टा हटाउने कामलाई अघि बढाईरहेको छ। सरकारले संचालन गर्न अनुमति दिएका इटा उद्योग स्थानीय तहलाई त्यसरी भत्काउन दिन नहुने उनले दाबी गरे।
पाँचौं उद्योग दिवसको अवसर पारेर सोमबार काठमाडौंमा आयोजित एक कार्यक्रममा उपाध्यक्ष प्रधानले इटा भट्टा हटाउने स्थानीय तहलाई कार्वाही नगरे व्यवसायीलाई तत्काल त्यसको क्षतिपूर्ति उपलब्ध गराउन सरकारको ध्यानाकर्षण गराए।
नेपाल घरेलु तथा साना उद्योग महासंघका अध्यक्ष श्याम गिरीले सरकारसँग सहकार्य गरेर काम गर्ने प्रतिवद्धता व्यक्त गरे।
अध्यक्ष गिरीले निजी क्षेत्रले सरकारसँग सहकार्य गरेर उद्योग क्षेत्रको विकासमा फड्को मार्न चाहेको बताए। ‘तर, त्यसका लागि सरकारले प्रविधिको विकासमा जोड दिनुपर्छ’, उनले भने।