नेपाल भारत पारवहन सन्धी पुनरावलोकन बैठक मङ्गलबारबाट काठमाडौंमा सुरू भएको छ।
दुई देशको वाणिज्य सह सचिव स्तरीय बैठकमा पारवहन सन्धीको संशोधनमा थपिने बुँदाको ड्राफ्टलाई अन्तिम रूप दिने वाणिज्य सहसचिव नवराज ढकालले जानकारी दिए।
ढकालकाअनुसार बैठकमा ब्लक कार्गो (सिमेन्ट, कोइला) ढुवानी, जलमार्ग यातायात कहाँबाट गर्ने, कसरी गर्ने भन्ने विषयमा छलफल हुने छ।
त्यस्तै, धाम्रा र मुन्द्रा बन्दरगाह पनि प्रयोग गर्ने बारे छलफल गरिने ढकालले जानकारी दिए।
विद्युतीय कार्गो निगरानी प्रणाली (इसिटिएस) बारेमा पनि बैठकमा छलफल गरिने छ।
यस प्रणालीले ट्रान्जिट गर्दा सामान ल्याएको गाडी कहाँ आइपुग्यो भनेर आयात वा निर्यातकर्ताले हेर्न सक्ने ढकालले बताए।
बैठक दुई दिनसम्म चल्ने छ। बैठकमा दुई देशका कानून, परराष्ट्र, वाणिज्य र यातायात मन्त्रालयका सहसचिव सहभागी हुनेछन्।
बैठकको नेतृत्व नेपाल तर्फबाट वाणिज्य सहसचिव नवराज ढकालले र भारतको तर्फबाट एडिस्नल सेक्रेटरी भुपेन्द्र सिंह भल्लाले गर्नेछन्।
