संस्कृति पर्यटन तथा नागरिक उड्डयन मन्त्री योगेश भट्टराईले विमानस्थलभित्र अति विशिष्ट व्यक्ति (भिभिआपी) लाई मात्र जहाजसम्म गाडी लिन दिने नियम लागू गरेको २ महिनाभित्रै नेकपाका अध्यक्षले उलंघन गरेका छन्।
मन्त्री भट्टराईको घोषणाअनुसार विमानस्थल कार्यालयले राष्ट्रपति, उपराष्ट्रपति, प्रधानमन्त्री, सभामुख, राष्ट्रिय सभाका अध्यक्ष, प्रधानन्यायाधीश र तिनका विदेशी समकक्षीलाईमात्र जहाजसम्म गाडी लिन पाउने भन्दै सार्वजनिक सूचना जारी गरेको थियो।
यसअघि असोजमा उक्त नियम उलंघन गर्दै नेकपाका अध्यक्ष पुष्पकमल दाहाल प्रचण्डले हेलिप्याडसम्मै गाडी लिएका थिए। पूर्वप्रधानमन्त्री प्रचण्डले उक्त नियम उल्लंघन गर्दै बुधार पनि हेलिप्याडसम्मै गाडीमात्र होइन सुरक्षाको गाडी पनि लिएका छन्।
विमानस्थल स्रोतका अनुसार दाहालले पोखरा जानेक्रममा गाडी हेलिप्याडमै लिएका हुन्। उनी अल्डिच्यड एयरको हेलिकप्टरमा पोखरा उडेका थिए।
प्रचण्डको गाडी हेलिकप्टरसम्मै गएको विषयमा विमानस्थल प्रमुख देवेन्द्र केसीले भने अनविज्ञता जनाए। हवाइ कम्पनीको गाडीमा जान पाइने भए पनि अरू गाडी लिन नपाइने नियम भएपनि आज बिहानैदेखि मन्त्रालयमा आएकाले सो बारेमा जानकारी नभएको उनको भनाइ छ।