भारतका प्रख्यात आध्यात्मिक नेता सद्गुरू जग्गी बासुदेवसँग प्रधानमन्त्री केपी शर्मा ओलीको भेट भएको छ।
मंगलबार राति अबेर प्रधानमन्त्री निवास बालुवाटारमा भएको भेटमा प्रधानमन्त्री ओलीले नेपाल राजनीतिक संक्रमण पूरा गरी विकास र समृद्धिको बाटोमा अघि बढेको बताए।
‘हामी हाम्रा भान्छामा खानेकुराले मात्र प्रवेश पाओस्, विषादी नभित्रियोस् भन्ने सोचका साथ काम गरिरहेका छौं’, प्रधानमन्त्री ओलीले भने।
भेटमा सद्गुरूले औपनिवेशिक कालमा अरु देशको शोषण गरेर आफ्नो देश बनाउने विकासको नमूनालाई अब पछ्याउन हुँदैन भन्दै सद्गुरूले विज्ञान र प्रविधिले मानिसको जीवनमा नकारात्मक असर समेत पारेको बताएका थिए।
उनले पोषण र जीवनोपयोगी शिक्षाको व्यापक प्रचार गर्न सकेमा नेपालले समृद्धि र विकासका लागि बाहिरी दुनियाँको मुख ताक्नै नपर्ने बताए।
उनले नेपाल आफ्नो मनमा रहेको बताउँदै हरेक वर्ष नेपाल आउने गरेको जानकारी पनि प्रधानमन्त्री ओलीलाई गराएका थिए।
प्रधानमन्त्री ओली र तीन जना पूर्व प्रधानमन्त्रीत्रय पुष्पकमल दाहाल, झलनाथ खनाल तथा माधवकुमार नेपालसँगको वार्तामा गुरूले अमेरिकी विकासको नमूना विफल भइरहेको प्रतिक्रिया दिएका थिए।
