नेपाली कांग्रेसका केन्द्रीय सदस्य प्रदीप पौडेलले काम नगर्ने ठेकेदारलाई सरकारले कारबाहीको दायरामा नल्याएको बताएका छन्।
सडक कालोपत्रे गर्ने जिम्मेवारी लिएर पनि समयमा काम नगरेका ठेकेदारलाई कारबाही गर्नुपर्ने भए पनि सरकारले संरक्षण गरिराखेको उनले बताए।
आइतबार पोखरामा बोल्दै उनले भने, ‘काम नगर्ने ठेकेदारलाई सरकारले संरक्षण गरिराखेको छ।’
नगरकोट सडक कालोपत्रे गर्न ठेकेदारले ढिलाइ गरिराखेको भन्दै उनले राजनीतिक पार्टीका नेताका आडमा समयमै काम नहुने प्रवृत्ति बढेको बताए।
फरक प्रसंगमा उनले उपनिर्वाचनमा कांग्रेस उम्मेदवारलाई मत दिन पनि आग्रह गरेका थिए।
‘लोकतन्त्र रक्षाका लागि कांग्रेसलाई जिताउनुपर्छ,’ पौडेलले भने। कास्की २ मा मंसीर १४ गते उपनिर्वाचन हुँदैछ।
