समाजवादी पार्टी नेपालले उपनिर्वाचनपछि सरकारसँग संविधान संशोधनको बिषयमा कुराकानी गर्ने भएको छ।
मंसीर १४ गते उपनिर्वाचन हुँदैछ।
समाजवादी पार्टीको केन्द्रीय समिति बैठकले सरकारमा बसिराख्ने वा छाड्ने निर्णय गर्ने अधिकार शनिबार पदाधिकारीलाई दिएको थियो।
समाजवादीभित्र सरकार छाड्न दवाव छ। राजपाले पनि पार्टी एकीकरण गर्नका लागि सरकार छाड्ने सर्त राखेको छ।
समाजवादीको प्रचार विभाग उपप्रमुख विश्वदीप पाण्डेले उपनिर्वाचनपछि पनि संविधान संशोधनका मुद्दामा सरकार गम्भीर रूपमा छलफल गर्न तयार भएन भने सरकारबाट बाहिरिने पार्टीको तयारी रहेको बताए।
‘उपनिर्वाचन सकिने बित्तिकै सरकारको नेतृत्वसँग संविधान संशोधनको विषयमा गम्भीर छलफल गर्ने र सरकारको नेतृत्वले छलफललाई गम्भीर रुपमा लिएन र छल मात्रै गर्यो भने समाजवादी पार्टीले सरकार छाड्छ,’ पाण्डेको भनाइ छ।
