प्रधानमन्त्री तथा नेकपाका अध्यक्ष केपी शर्मा ओली र अर्का अध्यक्ष पुष्पकमल दाहाल ‘प्रचण्ड’बीच अहिले बालुवाटारमा भेट भइरहेको छ।
स्रोतका अनुसार आज हुन लागेको मन्त्रीमण्डल हेरफेरको टुंगो लगाउन दुई अध्यक्षबीच छलफल भएको हो।
दुई अध्यक्षबीचको छलफल सकिएपछि नयाँ हुने मन्त्रीको टुंगो लगाउन नेकपा सचिवालय बैठक बस्नेछ। सचिवालय बैठक अपरान्ह साढे १२ बजे बस्ने बालुवाटार स्रोतले जनाएको छ।
यसअघि मंगलबार साँझ बसेको मन्त्रिपरिषद् बैठकमा प्रधानमन्त्री ओलीले बुधबार मन्त्रीमण्डल हेरफेर गर्न लागेको बताएका थिए। नयाँ मन्त्रीको टुंगो लगाउन सचिवालय बैठक बिहान ९ बजे बस्ने भनिए पनि दुई अध्यक्षको छलफलका कारण पछि सरेको हो।
स्रोतका अनुसार आज अपरान्हसम्म नयाँ मन्त्रिहरूले सपथ लिनेछन्। को-को मन्त्री हटाइँदैछन् र नयाँ को हुँदैछन् भन्ने प्रष्ट भइसकेको छैन।