नेपाली काङ्ग्रेसले माघ १६ गतेदेखि तेस्रो चरणको जागरण अभियान सुरु गर्ने भएको छ।
माघ १६ गतेदेखि २५ गतेसम्म ७५३ स्थानीय तह केन्द्रिय अभियान चलाउने निर्णय बिहिबार बसेको केन्द्रीय समितिले गरेको मुख्यसचिब कृष्णप्रसाद पौडेलले जानकारी दिए।
काङ्ग्रेसले यसअघि सकेको ३३० प्रदेशसभा निर्वाचन क्षेत्र केन्द्रीय जागरण अभियानबारे पनि समिक्षात्मक कार्यक्रम गर्ने भएको छ।
जागरण अभियानमा खटिएका केन्द्रिय प्रतिनिधिसङ्ग सातै प्रदेशमा छलफल कार्यक्रम आयोजना गरिएको हो।
प्रदेश नम्बर १ को धरान, २ को जनकपुर, ३ को भरतपुर, गण्डकीको दमौली, प्रदेश नम्बर ५ को तौलिहवा, कर्णालीको सुर्खेत र सुदुरपश्चिम प्रदेशको महेन्द्रनगरमा कार्यक्रम हुने उनको बताए। कार्यक्रम पुसमा हुने भए पनि मिति तोकिएको छैन।
बिहीबार बसेको बैठकमा सभापति शेरबहादुर देउवाले विभाग थप गरि गठन गर्ने प्रस्ताव गरेपछि वरिष्ठ नेता रामचन्द्र पौडेल र पुर्वमहामन्त्री कृष्णप्रसाद सिटौला रुष्ट छन्।
काङ्ग्रेसले मग्सिर २९ गतेका लागि केन्द्रीय समिति बैठक डाकेको छ।