नेपाली कांग्रेसले सोमबार केन्द्रीय कार्यसमिति बैठक डाकेको छ।
आइतबार केहीबेर बसेर स्थगित बैठक सोमबार दिउँसो १ बजे बस्ने मुख्यसचिव कृष्णप्रसाद पौडेलले जानकारी दिए।
‘आज बैठक सकियो, भोलि १ बजे फेरि बस्छ,’ उनले सेतोपाटीसँग भने।
बरिष्ठ नेता रामचन्द्र पौडेल पक्षका नेताहरूले छलफलको एजेन्डा १४ औं महाधिवेशनको कार्यतालिकाबारे हुनुपर्ने अडान राखेर बैठक बहिष्कार गरेका थिए।
सभापति शेरबहादुर देउवाले विभाग थप गरी गठन गर्नेलगायत ९ एजेन्डा गत बिहीबार बैठकमा पेश गरेका छन्। उक्त एजेन्डामा छलफल गर्न आइतबार केन्द्रीय कार्यसमिति बैठक डाकेपनि दुई घण्टा ढिला सुरू बैठक केहीबेरमै टुंगिएको हो।
बरिष्ठ नेता पौडेल पाथीभरा दर्शनका लागि गएका छन्। पौडेल आजै काठमाडौं फर्कने र उनीपक्षका नेतासँग छलफल गरी सहमतिबाटै सोमबार बैठक चलाउने भन्दै स्थगित गरिएको हो।
यो पनि:
केन्द्रीय समिति बैठक छाडेर पाथीभरा पुगे पौडेल
पौडेलले अडान छाडेनन्, देउवा रित्तै फर्किए
