इजिप्टका पूर्वराष्ट्रपति होस्नी मुबारकको ९१ वर्षको उमेरमा निधन भएको छ। गत जनवरीमा उनको सर्जरी गरिएको थियो।
स्वास्थ्यमा समस्या देखिएपछि गत शनिबार उनका छोराले मुबारकलाई आइसियुमा राखिएको बताएका थिए। उपचारको क्रममा उनको मृत्यु भएको बताइएको छ।
इजिप्टमा ३० वर्षसम्म राज गरेका मुबारकको मंगलबार मृत्यु भएको बिबिसीले जनाएको छ। क्रान्तिपछि सन् २०११ मा सेनाले उनलाई राष्ट्रपति पदबाट हटाएको थियो।
सन् १९८१ देखि २०११ सम्म मुबारक इजिप्टका राष्ट्रपति भएका थिए।