ललितपुरकी कल्पना महर्जनले दुवै मोहडाबाट सर्वोच्च शिखर सगरमाथा आरोहण गरेकी छन्।
बिहीबार उत्तरी मोहडाबाट सगरमाथा आरोहण सफल गरेकी उनले यसअघि गत वर्ष जेठ ९ गते दक्षिणी मोहडाबाट सगरमाथा चढेकी थिइन्।
महर्जनले दुबै महोडाबाट सगरमाथाको शिखर चुम्ने बिश्वकै पहिलो महिला पत्रकारका रुपमा नाम राख्न सफल भएको दावी पर्वतारोहण व्यवस्थापन कम्पनी एक्पेरिएन्स आउटदोर्स नेपालका निर्देशकले रवीन्द्र मर्हजनले गरेका छन्।
सगरमाथा आरोहणका लागि उनी चैत अन्तिम साता त्यसतर्फ गएकी थिइन्। काठमाडौंबाट हिडेको ४३ औं दिनमा उनले सगरमाथा शिखर चुमेकी हुन्। उनले ‘शिक्षाको माध्यमले बालविवाह रोकथाम अभियान २०१९’ को नारासहित शिखर चुमेकी हुन्।
ललितपुर महानगरपालिकालगायतले आरोहणमा सहयोग गरेका थिए। हालै १०० वर्ष पुगेका संस्कृतिविद सत्यमोहन जोशीको फोटो, ललितपुर महानगरको नाम र लोगो पनि महर्जनले सगरमाथाको शिखरमा फहराएकी थिइन्।