तिब्बतसँग सिमा जोडिएको संखुवासभाको भोटखोला गाउँपालिका-२ बाट प्रहरीले पाँच किलो सुनसहित एक जना भरियालाई पक्राउ गरेको छ।
जिल्ला प्रहरी कार्यालय संखुवासभाको टोलीले मंगलबार साँझ सुनसहित भरियालाई पक्राउ गरेको हो।
एक नम्बर प्रदेश प्रहरी प्रमुख प्रहरी नायब महानिरीक्षक ठाकुर ज्ञवालीका अनुसार पक्राउ पर्नेमा खाँदबारी-१ का २६ वर्षीय तोप्चेन भोटे छन्।
भोटखोला गाउँपालिका तिब्बतसँग जोडिएको गाउँपालिका हो। प्रहरीले उनलाई पक्राउ गरी सदरमुकाम खाँदबारी ल्याइरहेको छ।
झोलामा बोकेर सिमाना कटाइ नेपाल ल्याउँदै गर्दा उनलाई बाटोबाट पक्राउ गरिएको ज्ञवालीले बताए।