बङ्गलादेशमा आइतबार बिहान ग्यास पाइपलाइन पड्किदा कम्तिमा सात जनाको मृत्यु भएको छ भने २५ जनाभन्दा बढी घाइते भएका छन्।
चित्तगोङ जिल्लाको पथरघाटा क्षेत्रमा भएको बिस्फोटमा नजिकै रहेको भवनको पर्खाल भत्किएको स्थानीय प्रहरी प्रमुख मोहम्मद मोहसिनले जानकारी दिए। पर्खाल सडकमा हिडिरहेका मानिसमाथि लडेको थियो।
बिस्फोटको कारण तत्काल खुलिनसकेको बताइएको छ। बिस्फोटन क्षेत्र अगाडि मानिसहरु र तीन पाङ्ग्रे रिक्सा व्यस्त रहने सडक रहेको एपीले जनाएको छ।
चित्तगोङ राजधानी ढाकाबाट २१६ किलोमिटर दक्षिणपूर्व पर्छ।