सिरहाको लहानबाट ‘गायब’ पारिएको नेपाल आयल निगमको ट्याङ्कर फेला परेको छ।
सो ट्याकंर धनुषाको सपहीमा फेला परेको सिराहाका डिएसपी अपिल बोहराले बताए। ट्याकंर रित्तो हालतमा फेला परेको छ।
निगमको इन्धन डिपो अमलेखगञ्जबाट मंसिर १ गते २० हजार डिजेल लोड ना४ख ४१६३ नम्बरको ट्यांकर लहानबाट सोमबार राति ११ गायब भएको थियो।
लहान पुगेपछि ट्यांकरलाई एक समूहले रोकेर चालकसहित गायब पारेको थियो। ट्याकर गायब भएको केही समयपछि चालक रामदेव यादव र सहचालक उमेश यादव सम्पर्कमा आएका थिए। उनीहरूले आफूहरूलाई मुखमा पट्टी बाँधेर आएका ६/७ जना नकाबधारीले ट्यांकर नियन्त्रणमा लिएर आफूहरूलाई जिपमा राखी बर्दिबास र लालबन्दीबीचको जंगलमा छोडेर ट्यांकर लिएर भागेको बताएका थिए।
ट्याकंर फेला परेपनि ट्याकर गायब पार्ने समूहलाई प्रहरीले अझै फेला पार्न सकेको छैन।
