भारतको तमिलनाडु प्रदेशमा भारी वर्षाका कारण चार घर भत्कँदा १७ जनाको मृत्यु भएको छ।
सोमबार बिहान साढे पाँचतिर मानिसहरू सुतिरहेका बेला कोइमबाटोरको नादुर गाँउमा घर भत्किएका थिए।
मृत्यु हुनेमा सात वर्षका दुई बालकसमेत रहेको टाइम्स अफ इन्डियाले जनाएको छ। सबै शव पोर्टमर्टमका लागि पठाइसकिएको छ।
प्रहरीका अनुसार ती चारै घर टाइलका छत भएका थिए।
केही दिनयता भारतका ६ जिल्लामा भारी बर्षा भएको छ। मौसम विभागले मानिसहरूलाई सुरक्षित रहन सूचना दिएको छ।
चेन्नाई, चेनगलपत्तु, तीरूभल्लुर, कुड्डालोरलगायत जिल्लामा विद्यालय बन्द गरिएको छ।
