कलंकीस्थित नेपालय कलेजमा अध्ययनरत विद्यार्थीलाई बसले ठक्कर दिएको छ।
आइतबार बिहान ६ : २० बजेतिर कलंकी मन्दिर नजिकै कलंकीबाट कालीमाटीतर्फ जाँदै गरेको ना ५ च ४५९० नम्बरको सार्वजनिक बसले ठक्कर दिँदा सिन्धुली घर भई खसी बजार बस्ने पवित्रा बस्नेत घाइते भएकी प्रहरीले जनाएको छ।
उनको टाउको र छातीमा चोट लागेको छ।
उनलाई उपचारको लागि सहिद मेमोरियल अस्पताल लगिएता पनि अस्पतालले त्रिपुरेश्वरस्थित ब्लु क्रस अस्पतालमा रिफर गरेको छ। उनको अहिले उपचार भइरहेको छ।
उक्त बस र चालकलाई कलंकी प्रहरीले नियन्त्रणमा लिएको छ।
