रक्सी पिएर ग्याङफाइट हुँदा घाइते भएका मोरङका एक युवकको उपचारको क्रममा मृत्यु भएको छ।
मोरङको धनपालथान गाउँपालिका-४ का ३८ वर्षीय विशुनदेव मुखियाको मृत्यु भएको हो।
गत माघ ४ गते धनपालथान गाउँपालिका-४ को एक होटलमा मादक पदार्थ सेवन गरी भएको वादविवाद र कुटपिटबाट घाइते भएका मुखियाको उपचारको क्रममा सोमबार राति न्युरो अस्पतालमा मृत्यु भएको हो।
कुटपिटमा संग्लग्न रहेका सात जनालाई प्रहरीले नियन्त्रणमा लिएको छ।
धनिराम मुखिया, हरिओम महतो, मणिचन्द्र महतो, रामविलास महतो र ३२ शंकर महतोलाई इलाका प्रहरी कार्यालय रङ्गेलीले नियन्त्रणमा लिएको हो।
मुखिया र रामविलासको समूहबीच ग्याङफाइट भएको थियो।
यसैगरी कुटपिटमै संलग्न रहेका किसन महतो र जमुनाकुमारी महतो भने सामान्य घाइते छन्।
