अस्ट्रेलियाले भारतसँगको पाँच म्याचको क्रिकेट श्रृखंला ३-२ ले जितेको छ। दिल्ली स्थित फिरोज शाह कोटला मैदानमा भएको खेलमा उसले भारतलाई ३५ रनले पराजित गरेको हो। पहिलो ब्याटिङ् गरेको अस्ट्रेलियाले भारतलाई २७३ रनको लक्ष्य दिएको थियो।
जवाफी ब्याटिङमा उत्रेको भारतले ५० ओभरमा २३७ रनमात्र जोड्न सकेपछि सिरिजको नतिजा अस्ट्रेलियालई सुम्पेको हो। लगातार दुई म्याच हारेको अस्ट्रेलियाले लगातार ३ म्याच जित्दै सिरिज आफ्नो पक्षमा पारेको हो। १० वर्षमा भारत विरूद्ध भारतको घरेलु मैदानमा अस्ट्रेलियाको यो पहिलो सिरिज जित हो।
भारतका लागि रोहित शर्माले ५६ रन बनाए भने भूवनेश्वर कुमारले ४६ र केदार जाधवले ४४ रन जोडे। उनीहरूले सातौं विकेटका लागि ९१ रनको साझेदारी गरे पनि जित दिलाउन असफल रहे।
पाहुना टोलीका लागि उस्मान ख्वाजाले शतक प्रहार गरे भने पिटर ह्यान्ड्सकम्बले ५२ जोडे। यस्तै कप्तान एरोन फिन्चले २७ रन बनाए।
भारतका लागि भुवनेश्वरले ३ विकेट लिएका थिए भने महोम्मद शामी तथा रविन्द्र जडेजांले समान २-२ विकेट लिएका थिए। त्यस्तै कुलदीप यादवले १ विकेट लिए।
यसैगरी भारतलाई हराउने क्रममा स्पिनर एडम जम्पाले १० ओभरमा १ मेडनसहित ४३ रन दिदैं ३ विकेट लिएका थिए भने प्याट कमिन्स, झेय रिचर्ड्सन तथा मार्कस स्टोइनिसले २-२ विकेट लिएका थिए। नाथन लायनले पनि भारतको १ विकेट लिए।
पाँच म्याचको श्रृखंलामा पहिलो खेलमा ६ विकेटले विजयी भएको भारत दोश्रो खेलमा ८ रनले विजयी भएको थियो भने तेश्रो खेलको नतिजा उसले ३२ रनमा गुमाएको थियो। यस्तै चौथो खेल उसले ४ विकेटले आफ्नो पक्षमा पारेको थियो।
टि-२० सिरिज पनि भारतले २-० ले गुमाएको थियो।
पहिलो खेलमा भारत ६ विकेट र दोस्रो खेलमा ८ रनले विजयी भएको थियो । तेस्रो खेलमा ३२ रन र चौथो खेलमा अष्ट्रेलिया ४ विकेटले विजयी भएको थियो । टी-२० सिरीज पनि भारतले २-० ले गुमाउन पुगेको थियो ।
