आईपिएलको फाइनल हार्नुको कारण धोनीले दिएका छन्।
चेन्नई सुपर किङ्स मुम्बई इण्डियन्ससँग फाइनलमा एक रनले पराजित भएको थियो। चेन्नईका कप्तान धोनीले दुबै टोलीले म्याचका दौरान कयौं गल्ती गरेको र सो गल्तीका कारण म्याच नसकिदांसम्म उपाधिको ट्रफी एकअर्कोको पोल्टामा जानेआउने भएको बताएका छन्।
'एउटा टोलीका रूपमा हाम्रो लागि सिजन राम्रो रह्यो। हामी कसरी फाइनलमा पुग्यौ र फाइनल कसरी खेल्यौं त्यो सोच्नुपर्छ। हाम्रो मध्यक्रम एकपटक पनि चम्केन, यसका बाबजुद पनि हामी फाइनलमा पुग्न सफल रह्यौं', धोनीले भने, 'हामी एकअर्कालाई ट्रफी पास गर्दै थियौं। हामीले कयौं गल्ती गर्यौं। मुम्बईले पनि गर्यौं। यस गल्तीको दौडामा जित मुम्बईको भयो। उसले एक गल्ती कम गर्यो।'
यसैगरी धोनीले फाइनल प्रतिष्पर्धा शानदार रहेको पनि बताए।
'यो राम्रो फाइनल थियो। एकदमै नजिकको प्रतिष्पर्धा रह्यो। अन्तिम बलमा मात्रै निर्णय भयो। यो भन्दा राम्रो के हुनसक्थ्यो? यी सबका बाबजुद हामीले कहाँ सुधार गर्नुपर्नेछ, त्यो हेर्नुपर्छ', धोनीले भने।
