न्युजिल्याण्डले दक्षिण अफ्रिकालाई ४ विकेटले पराजित गरेको छ। बुधबार भएको खेलमा दक्षिण अफ्रिकाले पहिलो ब्याटिङ गर्दै न्युजिल्याण्डलाई २४२ रनको लक्ष्य दिएको थियो।
राम्रो सुरूवात गर्न नसकेको न्युजिल्याण्डको जितमा केन विलियम्सनको अविजित १०६ रनको पारी कारक रह्यो। न्यूजिल्याण्डले आफ्ना ओपनर मार्टिन गुप्टिल र कोलिन मुनरोलाई ४४ रनभित्र गुमाएको थियो। मुनरो ९ रनमा आउट भए भने गुप्टिलले ३५ रन मात्र बनाउन सके।
यसैगरी रोस टेलर र टम लाथम १-१ रनमा आउट भएर धर्माएरको पारीलाई केनले सम्हाले पछि मात्र उसका लागि जित निश्चित बन्न पुगेको थियो।
यसक्रममा कोलिन डि ग्रायाण्डहोलको ६० रनको योगदान दिए। यसैगरी निशामले २३ रन बनाए।
अन्तिम ओभरमा न्युजिल्याण्डले राम्रै दबाब महसुस गरेको थियो। अन्तिम ओभरमा न्यूजिल्याण्डलाई जितका लागि ८ रनको आवश्यक्ता थियो। यसै ओभरको दोश्रो बलमा केनले छक्का प्रहार गरेपछि न्युजिल्याण्ड जित नजिक पुगेको थियो। त्यस लगत्तै उनले चौका प्रहार गरे र न्यूजिल्याण्डलाई जारी विश्वकपको पहिलो हारबाट जोगाए।
न्युजिल्याण्डलाई जित दिलाउने क्रममा केनले १३८ बलमा ९ चौका तथा १ छक्का प्रहार गरेका थिए।
जितसँगै ४ खेलमा जित हासिल गरेर न्युजिल्याण्ड जारी विश्वकपको अंकतालिकाको पहिलो स्थानमा उक्लेको छ। उसले ४ जित र एक बराबरीबाट ९ अंक बटुलेको छ।
त्यसैगरी बर्मिङघममा बुधबार टस जितेको न्युजिल्यान्डले फिल्डिङ गर्ने निर्णय गरेपछि पहिले ब्याटिङ गरेको दक्षिण अफ्रिकाले निर्धारित ४९ ओभरमा ६ विकेटको क्षतिमा २४१ रन जोडेको थियो।
दक्षिण अफ्रिकाका लागि भान डेर डुसनले नटआउट ६७ रनको योगदान दिए। उनले ६४ बलमा २ चौका र ३ छक्का हिर्काए।
ओपनर हसिम अमलाले ५५ रन बटुले। उनले ८३ बलमा ४ चौका हिर्काए। अर्का ओपनर क्वान्टन डे कक ५ रनमै आउट भएका थिए। फाप डु प्लेसिस २३ रनमा आउट हुँदा एडिन मर्क्रमले ३८ रन जोडे। डेभिड मिल्नरले ३६ रन जोडे।
बलिङमा न्युजिल्यान्डका लकी फर्ग्युसनले ३ विकेट लिए। ट्रेन्ट बोल्ड, कोलिन डे ग्रान्डहोप र मिचेल सान्टनरले समान १–१ विकेट लिए।
जारी विश्वकपमा यो हारसँगै उसको शीर्ष ४ मा अटाउने लक्ष्यमा नराम्ररी धक्का लागेको छ। उ अंक तालिकाको ८
औं स्थानमा रहेको छ।
