आज भारत र वेस्ट इण्डिजबीच हुने तेश्रो वान डे खेलमा भारतीय ब्याटस्म्यान रोहित शर्मालाई युवराज सिहं तथा हाशिम अमलाको कीर्तिमान तोड्ने मौका छ।
विश्वकपमा ५ शतक प्रहार गरेर सर्वोत्कृष्ट खेल पस्किएका रोहितले यस सिरिजमा विश्वकपको जस्तो प्रदर्शन दोहोर्याउन सकेका छैनन्।
यस्तोमा उनले यी दुई खेलाडीको कीर्तिमान तोड्नेमा अवसर छ। त्यसो त उनले वेस्ट इण्डिज भ्रमणमा विश्वकपमा जस्तो लामो पारी खेल्न सकेका छैनन्। टि-२० सिरिजको पहिलो दुई खेलमा उनले २४ र ६७ रन बनाएका थिए। दोश्रो वान डेमा केवल १८ रन बनाए।
३२ वर्षिय शर्माले २१७ वान डे खेल्दै हालसम्म ४८.७४ को औषतले ८ हजार ६ सय ७६ रन बनाएका छन्।
उनी वान डे मा सर्वाधिक रन बनाउनेमा २३ औं नम्बरमा छन्। अब रोहितले वेस्ट इण्डिजविरूद्धको तेश्रो वान डे मा मात्र २६ रन बनाए भने यस सूचिमा उनी युवराज सिंहलाई उछिन्नेछन्। यस्तै शिवनारायण चन्द्रपाललाई(८७७८) उछिन्न उनले १०३ रन बनाउनुपर्नेछ।
यस्तै रोहितलाई यस वान डेमा सर्वाधिक शतकको मामिलामा हाशिम अमलालाई पछि पार्दै सनथ जयसूर्यासँग बराबरी गर्ने मौका पनि छ।
रोहितले वान डे मा हालसम्म २७ शतक प्रहार गरेका छन्। अमला यति नै संख्यामा शतक बनाएर संन्यासमा गइसकेका छन् भने श्रीलंकाका जुसूर्याले २८ शतक बनाएका छन्।
४९ र ४२ शतकसहित सचिन तेन्दुल्कर र विराट कोहली क्रमशः सूचिको पहिलो र दोश्रो नम्बरमा छन्। यस्तै रिक्की पोन्टिङ ३० शतकसहित सूचिको तेश्रो स्थानमा रहेका छन्।
