बंगलादेशविरुद्धको टेस्ट अफगानिस्तानले २२४ रनले जितेको छ। अफगानिस्तानले पहिलो पटक अवे सिरिज जितेको हो।
अफगानिस्तानले दिएको ३९८ रनको पछ्याएको घरेलु टिम बंगलादेश दोस्रो इनिङमा १७३ रनमै अलआउट भयो।
बंगलादेशको इनिङ ध्वस्त पार्ने क्रममा अफगानिस्तानका कप्तान रासिद खानले उत्कृष्ट बलिङ गरे। उनले दोस्रो इनिङमा ६ विकेट लिए। दोस्रो इनिङमा बंगलादेशका लागि सकिब अल हसनले सबैभन्दा बढी ४४ रन जोडे।
पहिलो इनिङमा अफगानिस्तानले ३४२ रन जोडेको थियो। उसका लागि रहमत साहले १०२ रन जोडे भने अस्घर अफगानले ९२ रन बटुले।
बंगलादेश पहिलो इनिङमा २०५ रनमै अलआउट भयो। पहिलो इनिङमा बंगलादेशलाई सस्तैमा रोक्ने क्रममा रासिद खानले ५ विकेट लिए। पहिलो इनिङमा १३७ रनको अग्रता लिएको अगानिस्तानले दोस्रो इनिङमा २६० रन जोड्यो।
दुई इनिङमा गरी ११ विकेट लिएका रासिद म्यान अफ दि म्याच भए।
