क्यारेवियन प्रिमियर लिग(सिपिएल)मा नेपाली स्पिनर सन्दिप लामिछानेले टोलीको तेश्रो खेलमा मध्यम प्रदर्शन गरेका छन्।
तेश्रो खेलमा उनले १ विकेट लिनुका साथै १० रन बनाए। ४ ओभर बलिङ गरेका सन्दीपले १ मेडन र १ विकेट लिदां ३५ रन दिएका थिए।
यसैगरी सन्दिपले विदेशी फ़्रेन्चाइज् लिगमा आफ्नो व्यक्तिगत सर्वाधिक रन जोडे। एघारौं नम्बरमा ब्याटिंग गर्न आएका सन्दिपले अविजित ८ बलमा १० रन बनाए। यस अघि सन्दिपको उच्च स्कोर ८ थियो।
आइतबार भएको खेलमा सन्दिपको टोली बार्बेडोस ट्राइडेन्ट्स जमैकामा तल्लावाहसँग ४ विकेटले पराजित गरेको छ। उसले पहिलो ब्याटिङ गर्दै बार्बेडोसले लिएको १४१ रनको लक्ष्यलाई जमेकाले ६ विकेटको नोक्सानीमा पूरा गरेको थियो।
हारसँगै बार्बेडोस अंक तालिकाको पाँचौ स्थानमा पुगेको छ । उसले यस लिगमा पहिलो खेल गुएना अमेजोन वारियार्ससंग ४७ रनले गुमाएको थियो भने दोश्रो खेलमा सेन्ट किट्स एण्ड नेभिस पेट्रिएट्सलाई १८ रनले पराजित गरेको थियो।
यस खेलमा ३ विकेट लिएका सन्दिप 'म्यान अफ द म्याच' भएका थिए।