युएईमा भइरहेको टी–१० लिगमा नेपालका युवा लेगस्पिनर सन्दीप लामिछानेले लगातार दोस्रो खेलमा विकेट लिन सफल भएका छन्।
कर्नाटकाका सन्दीपले आइतबार बंला टाइगर्सविरुद्ध २ विकेट लिएका हुन्।
कर्नाटकाले दिएको ११५ रनको लक्ष्य पछ्याएर ब्याटिङ गरेको बंलाका आन्द्रे फ्रेचर र थिसरा परेरालाई सन्दीपले आउट गरे। सन्दीपले फ्रेचरलाई ४० रन र परेरालाई ३ रनमा आउट गरे। उनले २ ओभरमा केवल ९ रन दिए।
यद्यपी खेलमा बंला ५ विकेटले विजयी भयो। बंगाले ७ बल बाँकी छदै ५ विकेटको क्षतिमा लक्ष्य पूरा गरेको थियो। उसका लागि फ्रेचरसँगै टम मोरिसले ९ बलमा नटआउट २८ रन जोडे।
त्यसअघि कर्नाटकाका लागि जोनसन चार्ल्सले २९ बलमा ५७ रन र कप्तान हसिम अमलाले २९ बलमा नटआउट ४७ रन जोडेर ११४ रनको योगफल तयार पारे।
