मनमोहन मेमोरियल (एमएम) राष्ट्रिय एकदिवसीय क्रिकेट प्रतियोगितामा सुदूरपश्चिम प्रदेश सेमिफाइनलमा प्रवेश गरेको छ।
सुदूरपश्चिमले आइतबार भएको खेलमा गण्डकी प्रदेशलाई ९ विकेटले हराएर अन्तिम चारमा स्थान पक्का गरेको हो। यसअघि सुदूरले मलेसिया सेलेक्सन ११ लाई ८ विकेटले हराएको थियो।
पहिले ब्याटिङ गरेको गण्डकी २३.३ ओभरमा ६४ रनमा अलआउट भयो।
गण्डकीका लागि किशोर महतोले सबैभन्दा बढी १७ रन दिए। अन्य ब्याट्सम्यान दोहोरो अंकमा रन जोड्न नपाइ आउट भए।
गण्डकीको इनिङ ध्वस्त पार्न सुदूरपश्चिमका विनोद लामाले ७ विकेट लिए। म्यान अफ दि म्याच उनले ९.३ ओभरमा २ मेडन राख्दा १४ रन खर्चिए। शेर मल्लले २ र विक्रम ठगुन्नाले १ विकेट लिए।
६५ रनको लक्ष्य सुदूरले १०.२ ओभरमा १ विकेटको क्षतिमका पार गर्यो। उसका लागि गजेन्द्र बोहराले ३४ रन जोड्दा खडक बोहराले नटआउट १६ र अरुण ऐरीले नटआउट १० रन जोडे।