अस्ट्रेलियाको बिग ब्यास लिगमा मेलवर्न स्टार्सले लगातार जित निकालेको छ।
जारी लिगमा आठौं जित निकाल्ने क्रममा मेलवर्नले सिड्नी सिक्सर्सलाई ४४ रनले पराजित गर्यो।
पहिले ब्याटिङ गरेको मेलवर्नले १ विकेटको क्षतिमा २१९ रनको विशाल योगफल खडा गर्यो।
उसका लागि मार्कोस स्टोइनिसले नटआउट १४७ रन जोडे। उनले ७९ बलमा १३ चौका र ८ छक्का हिर्काए।
हिल्टन कार्टराइट ५९ रनमा आउट भए। हिल्टन र मार्कोसबीच पहिलो विकेटका लागि २०७ रनको ओपनिङ साझेदारी भयो। यो बिग ब्यासको सबैभन्दा ठूलो साझेदारी हो।
२२० रनको लक्ष्य पछ्याएको दोस्रो स्थानको मेलवर्नले २० ओभरमा ७ विकेटको क्षतिमा १७५ रन मात्र जोड्यो। सिड्नीका लागि डाउसिसले नटआउट ४२ रन जोडे।
बलिङमा मेलवर्नका क्लिन हिन्च्लिफले ३ विकेट लिए।
मेलवर्नमा आबद्ध नेपालका युवा लेग स्पिनर सन्दीपले ४ ओभर बलिङ गर्दा १ विकेट लिए। उनले टम कुरानलाई ३ रनमा आउट गरे। सन्दीपले ३५ रन खर्चिए।
सन्दीपले जारी लिगमा ८ खेल खेल्दा ९ विकेट लिएका छन्। उनले ६ खेलमा विकेट लिँदा २ खेलमा विकेट लिन सकेका छैनन्।
लगातार जित निकालेको मेलवर्नको ९ खेलबाट १६ अंक छ। दोस्रो स्थानको सिड्नी सिक्सर्सको समान खेलबाट १२ अंक छ।