इंग्लिस प्रिमियर लिग अन्तर्गत बुधबार राति भएको खेलमा उल्भ्ससँग आर्सनल ३–१ ले पराजित भएको छ।
हारसँगै लिगको चौथो स्थानमा पुग्ने मौका आर्सनलले गुमाएको छ। लिगको चौथो स्थानमा समान ३५ खेल खेलेको चेल्सी ६७ अंक सहित रहेको छ।
आर्सनललाई ३-१ ले हराउने क्रममा आर्सनलले तिनै गोल खेलको पहिलो हाफमा गर्यो भने आर्सनलले १ गोल दोश्रो हाफमा फर्काएको थियो।
उल्भ्सको जितमा पहिलो गोल खेलको २८ औं मिनेटमा रूवेन नेवेशले गरे भने दोश्रो खेलको ३७ औं मिनेटमा म्याट डोहेर्टीले गरे।
यस्तै तेश्रो गोल पहिलो हाफको अतिरिक्त समयमा डिओगो जोटाले गरेका थिए।आर्सनलका लागि १ मात्र गोल ग्रानेट जाकाले ८०औं मिनेटमा फर्काएका थिए।
हारपछि आर्सनल ३५ खेलबाट ६६ अंकसहित लिगको पाँचौ स्थानमा छ भने उल्भ्स ५१ अंक सहित सातौं स्थानमा छ।