फ्रेन्च कपको फाइनलमा पेरिस सेन्ट जर्मेन(पिएसजी) रेनेससँग ट्राइब्रेकरमा ६-५ ले पराजित भएको छ।
पिएसजीका लागि नेइमार जुनियरले १ गोल र १ गोलका लागि सहयोग गरेपनि हारलाई भने टार्न सकेनन्।
पेनाल्टीमा हार्नुअघि खेल २-२ को बराबरीमा सकिएको थियो। पेनाल्टीमा नेइमारले गोल गरेपनि पिएसजीका क्रिस्टोफर एनकुन्कुले प्रहार गरेको पहिलो पेनाल्टी गोलपोस्टको बारमाथिबाट बाहिरिएपछि पिएसजी रेनेससँग स्तब्ध भएको हो।
हिजोको खेलमा पिएसजी दुर्भाग्यशाली रह्यो। प्रेस्नेल किम्पेम्बे आत्मघाती गोल गरे। खेलको ४० औं मिनेटमा सो आत्मघाती गोल गरेका थिए।
आत्मघाती गोल उपहार भएको रेनेसका लागि खेलको ६६ औं मिनेटमा मेक्सरलेले बराबरी गोल फर्काए।
त्यसपछि खेल पेनाल्टीमा पुगेको थियो। त्यस्तै अतिरिक्त समयमा डामियन डा सिल्भालाई फल गरेपछि एमबाप्पे रेडकार्ड पाउँदै मैदान बाहिर जानुपर्यो।
पिएसजीका लागि डानी एल्भेसले खेलको १३ औं मिनेटमा गोल गरेका थिए भने नेइमारले २१ औं मिनेटमा टोलीका लागि दोश्रो गोल गरेका थिए।
रेनेसले सन् १९७१ पछि पहिलोपटक फ्रेन्च कप उपाधि जितेको हो ।
