इंग्लिस प्रिमियर लिग फुटबल अन्तर्गत आइतबार राति भएको खेलमा बर्नलीलाई १-० ले पराजित गर्दै म्यानचेस्टर सिटी पुनः शीर्षस्थानमा फर्किएको छ।
सिटीको यो जितले लिभरपुल दोस्रो स्थानमा झरेको छ ।
हिजोको खेलमा सिटीको जितका लागि भएको एकमात्र गोल खेलको ६३ औं मिनेटमा सर्जियो अग्युरोले गरेका हुन्।
समान ३६ खेलको समाप्तीमा सिटीको ९२ अंक छ भने लिभरपुलको ९१ अंक रहेको छ।
यस नतिजाले लिगको उपाधि विजेताका लागि खेलको अंक गणित रोमाञ्चक मोडमा पुगेको छ। अब दुवै टिमले दुई–दुई खेल खेल्न बाँकी छ । सिटी साविकको विजेता हो।
