फ्रेन्च कपको फाइनल सकिएपछि मैदानबाट बाहिरिने क्रममा एक फ्यानसँग विवाद गरेपछि पेरिस सेन्ट जर्मेन (पिएसजी)का प्रशिक्षक थोमस टुसिलले आफ्ना स्टार स्ट्राइकर नेइमार जुनियरको आलोचना गरेका छन्।
शनिबार राति भएको फाइनलमा रेनेशसँग टाइब्रेकरमा पिएसजी ६–५ ले पराजित भएको थियो । खेल सकिएपछि मैदानबाट बाहिरिने क्रममा मोबाइलबाट भिडियो खिचिरहेका एक फ्यानसँग विवाद गरेपछि नेइमार विवादित बनेका हुन्।
सो म्याचमा २-० को अग्रताको बाबजुद पछि एक आत्मघाती गोलको सहयोगमा रेनेसले पिएसजीसँग २-२ को बराबरीपछि खेल ट्राइबेकरमा धकेलिएको थियो।
‘तपाईं दर्शकसँग झगडा गर्न सक्नुहुन्न । तपाईंले त्यो गर्न सक्नुहुन्न’, नेइमारको सो हर्कतको आलोचना गर्दै दुसिलले भने।
‘हारेपछि माथि उक्लन सकिदैन। मेरा लागि त त्यो कठिन हुन्छ, सबैका लागि कठिन हुन्छ तर हामीले यसलाई स्वीकार गर्नुपर्छ। हारिसकेपछि, हामीले त्यसको सम्मान गर्नुपर्छ’, उनले थपे।
सो कदममा आलोचित भएपछि नेइमारले आफ्नो इन्स्टाग्रामको एक प्रतिक्रियामा ‘के मैले नराम्रो व्यवहार देखाए हो?’ भनेर सोधेका छन्।
‘हो, तर कोही फरक हुन सक्दैन’, इन्स्टामा भनिएको छ।
