बार्सिलोना कोपा डेल रे फुटबलको फाइनलमा भ्यालेन्सियासँग २-१ ले पराजित भएको छ । शनिबार राति भएको खेलमा यस सिजनको लिग विजेता बार्सिलोनाको अर्को घरेलु उपाधि जित्ने सपना पूरा हुन सकेन।
हिजोको खेलमा २१ औं मिनेटमा गोल गर्दै भ्यालेन्सियाले अग्रता लिएको थियो। सो गोल केविन गामेइरोले गरेका थिए। यसैगरी खेलको ३३ औं मिनेटमा रोड्रिगोले भ्यालेन्सियाका लागि दोश्रो गोल गरेका थिए।
त्यसपछि पहिलो हाफ २-० ले सकिएको यस खेलमा बार्सोलोनाका लागि एकमात्र सान्त्वना गोल लियोनेल मेस्सीले खेलको ७३ औं मिनेटमा गरे।