नेपाली महिला राष्ट्रिय फुटबल टिमले दक्षिण एसियाली खेलकुद (साग) को तयारीका लागि किर्गिस्तानमा हुने अन्तर्राष्ट्रिय फुटबल प्रतियोगिताम खेल्ने भएको छ।
अखिल नेपाल फुटबल संघ (एन्फा)का अनुसार नेपालले आगामी भदौ २२ देखि २६ हुने नाडेज्हा कपमा भाग लिने भएको हो।
प्रतियोगितामा नेपालसहित चार टिमले भाग लिनेछन्। जसमा आयोजक किर्गिस्तान, नेपाल, उज्वेकिस्तान र ताजकिस्तान सहभागी हुनेछन्।
साग आगामी मंसिर १५ देखि नेपालमा आयोजना हुने तय छ। घरेलु भूमीमा हुने सागमा स्वर्ण जित्ने लक्ष्यमा रहेको नेपालको मुख्य चुनौती भारत रहेको छ।
यसअघि गत वर्ष विराटनगरमा भएको साफ महिला च्याम्पियनसिपमा नेपाललाई भारतले फाइनलमा पराजित गरेको थियो।
नेपालले पहिलो खेलमा भदौ २२ मा कीर्गिस्तानसँग खेल्नेछ। यस्तै २३ गते उज्वेकिस्तान र २४ गते ताजकिस्तानसँग प्रतिस्पर्धा गर्नेछ।