स्पेनिस ला लिगामा एथ्लेटिको मड्रिडले लगातार तेश्रो जित निकालेको छ।
आइतबार राति भएको खेलमा एइबरलाई ३-२ ले पराजित गर्दै जारी लिगमा आफ्नो अपराजित यात्रा कायमै राखेको हो।
अपराजित यात्रा कायमै राखेको एथलेटिकोले जारी लिग मा ३ खेल खेलिसक्दा तीनै खेल जितेर ९ अंक जोडेर तालिकाको शीर्ष स्थानमा छ।
सोमबार भएको खेलमा २-० ले पछि रहेको अवस्थाबाट खेलमा फर्किदै एथ्लेटिकोले जित दर्ता गरेको हो। खेलको २० मिनेटमा उसले लगातार दुई गोल खाएको थियो।
एइबरका लागि ती गोल क्रमशः खेलको ७ र १९ औं मिनेटमा डिएस डी ओलिमेइरा र एनाइट्ज आर्बिलाले गरेका थिए।
त्यसपछि एथ्लेटिकोले खेलको २७ औं मिनेटमा पहिलो गोल फर्कायो। सो गोल सेक्वेइराले गरे।
यस्तै एथ्लेटिको लागि दोश्रो गोल खेलको ५२ औं मिनेटमा माचिन परेजले गरे।
यसरी २-२ को बराबरीमा फर्केको एथ्लेटिकोले खेलको ९० औं मिनेटमा तेश्रो गोल गर्दै नतिजा आफ्नो पक्षमा पार्यो। उसका लागि सो गोल थोमस पार्टीले गरेका थिए।
